حوار جامد جدا بين واحد عايز يتجوز واحده جامد جداا

تتجوزيني ؟

ـ أفندم ؟
-
ـ بقولك تتجوزيني ؟

ـ ؟؟؟

ـ تتجوزيني ؟

ـ لأ

ـ ليه ؟

ـ بصراحة كدة شكلك مش عاجبني

ـ إزاي يعني ؟

ـ يعني .. أصل أنا ليا مواصفات معينة لفارس أحلامي

ـ مواصفات معينة ؟ .. هو انتي هتتجوزي عربية؟

ـ لأ ! .. بصراحة كده .. إنت مش فارس أحلامي اللي باتمناه

***********************************

ـ تتجوزيني ؟

ـ إيه ده ؟ شكلك اتغير

ـ إيه رأيك ؟

ـ واو .. شعرك بقة ناعم ! .. دي باروكة ؟

ـ أيوة

ـ ودي عدسات خضراء ؟

ـ أيوة

ـ واو ! .. بس بجد .. بقيت وسيم .. واو ! ده انت بقيت شبه نيكولاس كيدج

ـ مين عباس كيدج ده ؟

ـ عباس ؟!! ياي .. إيه عباس دي ؟ اسمه نيكولاس

ـ مين نيكولاس ده ؟

ـ بقة مالكشي في السيما وجاي تكلمني ؟ .. ياي

***********************************

ـ تتجوزيني ؟

ـ انت لسه ليك عين تكلمني ؟

ـ أيوة .. أنا عرفت مين بنكرياس كيج ده

ـ أولاً : اسمه نيكولاس كيج

ـ أيوة أيوة .. كنت هاقول اسمه صح .. بس اختصرته .. ده ممثل

ـ ممثل إيه ؟

ـ ممثل أمريكاوي

ـ أمريكاوي ؟! .. إخّييي ! .. اسمه أميريكان يا بابا .. ما تبقاش دونكي

ـ دونكي دي تبقى شتيمة ؟

ـ أوف كورس

***********************************

ـ تتجوزيني ؟

ـ عندك عربية موديل كام ؟

ـ موديل دي تبقى شتيمة ؟

***********************************

ـ تتجوزيني ؟

ـ قوللي الأول .. حاطط أنهي نغمة في الموبايل بتاعك ؟

ـ نغمة دي تبقى شتيمة ؟

***********************************

ـ تتجوزيني ؟

ـ ما قلتليش .. إنت بتشتغل إيه ؟

ـ أنا -بلا فخر- عاطل

ـ عاطل ؟ .. ياي

ـ مش أحسن من اللي ما بيشتغلش ؟

ـ لا

ـ يعني مش هتتجوزيني ؟

ـ لا

ـ كدة أنا أزعل

ـ ما تزعلش يا بابا .. خليك فريش

ـ ماشي .. ماشي .. بس قوليلي

ـ إيه ؟

ـ فريش دي تبقى شتيمة ؟

***********************************

ـ تتجوزيني ؟

ـ لقيت شغل ؟

ـ أيوة طبعًا .. سنتين وأنا بادور .. أخيرًا لقيت

ـ وإيه هو ؟

ـ سواق تاكسي

ـ ياي ! .. مش مكسوف وانت بتقولها ؟

ـ فيها إيه ؟ العمل شرف .. وكلها كام سنة وأجمع مبلغ كويس

ـ شرف ؟ جتك القرف

***********************************

ـ تتجوزيني ؟

ـ جمعت مبلغ كويس ؟

ـ طبعًا .. مبلغ كبير جداً

ـ قد إيه يعني ؟

ـ ألف جنيه

ـ نعم ؟!!! .. ألف جنيه دول تروح تسرح بيهم ببطاطا

ـ يعني موافقة ؟

ـ روح اتنيّل

***********************************

ـ تتجوزيني ؟

ـ عندك شقة ؟

ـ طبعًا .. أوضة على السطوح

ـ نعم ؟

ـ إيه المشكلة ؟! .. أحسن ما ننام في الشارع

ـ في الشارع ؟! .. إيه الألفاظ السوقية دي ؟ ياي ! .. لازم يا بابا تجيب شقة

ـ طيب .. كلها كام سنة وأجيبلك أحسن شقة في الدنيا

ـ وهتجيبها في جاردن سيتي ولا في الزمالك ؟

ـ لا .. في الأهلي .. هيهع هيهع هيهع

***********************************

( بعد سنوات)

ـ تتجوزيني ؟

ـ جبت الشقة ؟

ـ أيوة .. الحكومة بتبني شقق للشباب وأنا خدت شقة ..

صحيح إنها اتأخرت لسبع سنوات .. لكن المهم إنها جات

ـ فانتاستيك

ـ بس الشقة ناقصة حاجة

ـ إيه هي ؟

ـ مفيهاش حمام

ـ امشي من قدامي ! .. مش طايقاك

***********************************

ـ تتجوزيني ؟

ـ إنت تاني ؟

ـ جبتلك حمّام إنما إيه

ـ خليه ينفعك

ـ ليه بس ؟ .. ده ينفع لينا احنا الاتنين

ـ وأنا مالي ؟

ـ مش عاجبك .. مش مشكلة .. أكتبه باسمك

***********************************

(بعد سنين)

ـ هتتجوزيني ولا أولع فيكي ؟

ـ ومالك محروق كدة ؟

ـ حكايتنا طولت قوي .. طولت أكتر من اللازم

ـ أوكي .. بس ممكن أعرف حاجة ؟

ـ إيه ؟

ـ إنت ليه متمسك بيا أوي كدة ؟

ـ أصل .. أصل

ـ أصل إيه ؟

ـ أصل أنا بحُبك (بضم الحاء)

ـ بحُبك ؟!! .. إيه بحُبك دي ؟! .. إسمها بحِبك (بكسر الحاء) بعدين

خليك روش وقول I love you

ـ ماشي .. بس قوليلي

ـ نعم ؟

ـ روش دي تبقى شتيمة ؟

تنبيه

الموضوع الأصلي : حوار جامد جدا بين واحد عايز يتجوز واحده جامد جداا -||- المصدر : منتديات شباب روش -||- الكاتب : Mohamed Ashraf

توقيع Mohamed Ashraf

الحواااااااااار جااامد يا ميدو

بجد اللة ينور عليك

تسلم ايدك يا محمد

ومستنين افضل وافضل

تنبيه

الموضوع الأصلي : حوار جامد جدا بين واحد عايز يتجوز واحده جامد جداا -||- المصدر : منتديات شباب روش -||- الكاتب : Mohamed besooo

توقيع Mohamed besooo

elwad da balo taweel awe estahmelha ezay hhhhhhh

تنبيه

الموضوع الأصلي : حوار جامد جدا بين واحد عايز يتجوز واحده جامد جداا -||- المصدر : منتديات شباب روش -||- الكاتب : hot winter

توقيع hot winter

الواد ده اهبل ولا ايه

انا لو مكانه كنت اقتنعت ب راي الشاعر اللي بيقول

نفض تعيش وتاكل قراقيش

هيا قراقيش دي شتيمة

ههههههههههههههههههههههههه lol!

تنبيه

الموضوع الأصلي : حوار جامد جدا بين واحد عايز يتجوز واحده جامد جداا -||- المصدر : منتديات شباب روش -||- الكاتب : MusTaFa EzZaT

توقيع MusTaFa EzZaT

هههههههههههههههههههههههههههه

مشكورين ياجماعه علي الردود اما بالنسبه

ليك مصطفي سؤال بس هوه الشاعر

اللي قال القصيده اللي انت قولتها دي

هوه هوه اللي كاتب

قصيده قوم بليل لاء قوم بالصبح

تنبيه

الموضوع الأصلي : حوار جامد جدا بين واحد عايز يتجوز واحده جامد جداا -||- المصدر : منتديات شباب روش -||- الكاتب : Mohamed Ashraf

توقيع Mohamed Ashraf

نههههههههههههههههههههههههههههههههه انت اكيد بتهزر هههههههههههههه صح بص كلمة واحد ها رد فيها على الكلام ده بلم بلم ترارارار

تنبيه

الموضوع الأصلي : حوار جامد جدا بين واحد عايز يتجوز واحده جامد جداا -||- المصدر : منتديات شباب روش -||- الكاتب : The Viper

توقيع The Viper

هههههههههههههههههههههه

بلم بلم

هههههههههههههههههههههههههههه ماشي ياحوده

انا فهمت انت قصدك ايه

ههههههههههه

Laughing

تنبيه

الموضوع الأصلي : حوار جامد جدا بين واحد عايز يتجوز واحده جامد جداا -||- المصدر : منتديات شباب روش -||- الكاتب : Mohamed Ashraf

توقيع Mohamed Ashraf

ايوة يامحمد هوا نفس الشاعر

هههههههههههههههههه

وهوا بردو اللي قال
زغرتي يا ام سالي...حالك يا صحبي مش احسن من حالي
وبالنسبة ل بللم دي ياحودة انا بردوفهمت قصدك ايه

هههههههههههههههههههههه

تنبيه

الموضوع الأصلي : حوار جامد جدا بين واحد عايز يتجوز واحده جامد جداا -||- المصدر : منتديات شباب روش -||- الكاتب : MusTaFa EzZaT

توقيع MusTaFa EzZaT

بجد ردود جميلة بس انا هستند الى راى الشاعر بتاعى المفضل على شمبك

ومقولتة الشهيرة

(جتك ريطة)

على فكرة كلمة ريطة دى مش شتيمة

ههههههههههههههههههههههههههههههههه

وبردو يا حودة انا فهمت قصدك اية يابتاع

بلم بلم

تنبيه

الموضوع الأصلي : حوار جامد جدا بين واحد عايز يتجوز واحده جامد جداا -||- المصدر : منتديات شباب روش -||- الكاتب : Mohamed besooo

توقيع Mohamed besooo

هههههههههههههههههههههههه
بجد جامدة جدا وبعدين يامحمد الشاعر اللى قال كدة
هو نفسه الشاعر اللى قال (سك الكتاب ونام بدرى ياتيك النجاح من حيث لاتدرى)
بمناسبة الامتحانات بقى
الى هى سك دى شتيمة؟؟؟

تنبيه

الموضوع الأصلي : حوار جامد جدا بين واحد عايز يتجوز واحده جامد جداا -||- المصدر : منتديات شباب روش -||- الكاتب : Rose Allam

توقيع Rose Allam

ههههههههههههههههههههههههههههههههههههههههههه
متكشر ياجماعه علي الردود اللي تموت من الضحك دي

انتي ياروز دمك خفيف جدا بس الشاعر ده طلع كاتب حاجات

قيمه كتير هههههههههههههههه
[ندعوك للتسجيل في المنتدى أو التعريف بنفسك لمعاينة هذه الصورة]

تنبيه

الموضوع الأصلي : حوار جامد جدا بين واحد عايز يتجوز واحده جامد جداا -||- المصدر : منتديات شباب روش -||- الكاتب : Mohamed Ashraf

توقيع Mohamed Ashraf

ميرسى يامحمد ربنا يخليك بس اصلا الامتحانات عاملة معايا شغل جامد جدا
وعلى راى المثل(أنا للمدارس راجعون وللنوم مودعون ومن الحصص شاردون وللمعلمات مجننون)و(تاتي الامتحاانات بما لا تحتوي السفن ..)
هههههههههههههههههههههههههه

تنبيه

الموضوع الأصلي : حوار جامد جدا بين واحد عايز يتجوز واحده جامد جداا -||- المصدر : منتديات شباب روش -||- الكاتب : Rose Allam

توقيع Rose Allam

ههههههههههههههه

ههههههههههههههههههههههههه

مش بقولك الراجل ده كتب حاجات كتير من ورايا

ههههههههههههههههههههههههه

والامتحانات مش قلق قوي يعني

تلاقيكي انتي اللي مش بتذاكري
[ندعوك للتسجيل في المنتدى أو التعريف بنفسك لمعاينة هذه الصورة]

تنبيه

الموضوع الأصلي : حوار جامد جدا بين واحد عايز يتجوز واحده جامد جداا -||- المصدر : منتديات شباب روش -||- الكاتب : Mohamed Ashraf

توقيع Mohamed Ashraf

جميلة قوى على فكرة
بس هوة انا عندى استفسار المفروض انة هوة عاوز يتجوزها علشان بيحبها طب هية كل السنين الى فاتت الى كان بيجلها فيها دى يقولها تتجوزينى كانت عانس مش بتتجوز خالص ولا اية هههههههههههههه

تنبيه

الموضوع الأصلي : حوار جامد جدا بين واحد عايز يتجوز واحده جامد جداا -||- المصدر : منتديات شباب روش -||- الكاتب : romatic

توقيع romatic

هههههههههههههههههههههههههههههههههههه

تقريبا هيه كانت مش لاقيه برضه بس بتتقل

[ندعوك للتسجيل في المنتدى أو التعريف بنفسك لمعاينة هذه الصورة]

تنبيه

الموضوع الأصلي : حوار جامد جدا بين واحد عايز يتجوز واحده جامد جداا -||- المصدر : منتديات شباب روش -||- الكاتب : MusTaFa EzZaT

توقيع MusTaFa EzZaT

هههههههههه ماشى يا مصطفى ممكن بردوا وعموما
Hey baby, when we are together, doing things that we love.
Every time you're near I feel like I’m in heaven, feeling high
I don’t want to let go, girl.
I just need you to know girl.
I don’t wanna run away, baby you’re the one I need tonight,
No promises.
جميلة قوى وعجبانى جايبها منين؟

تنبيه

الموضوع الأصلي : حوار جامد جدا بين واحد عايز يتجوز واحده جامد جداا -||- المصدر : منتديات شباب روش -||- الكاتب : romatic

توقيع romatic

ده من بعض ماعندك علي العموم دي اغنيه جميله اوي

ده اسمها

No Promises

علي العموم لو عايزه تسمعيها

اقفي علي الصوره الي فوق الكلام عندي

وانتي تسمعيها

[ندعوك للتسجيل في المنتدى أو التعريف بنفسك لمعاينة هذه الصورة]

تنبيه

الموضوع الأصلي : حوار جامد جدا بين واحد عايز يتجوز واحده جامد جداا -||- المصدر : منتديات شباب روش -||- الكاتب : MusTaFa EzZaT

توقيع MusTaFa EzZaT

ههههههههههههه تصدق وتامن بمين لسة واخداها من واحدة صاحبتى انهاردة علشان عجبنى اسمها بس لسة مسمعتهاش ههههههههههههه يا سبحان الله

تنبيه

الموضوع الأصلي : حوار جامد جدا بين واحد عايز يتجوز واحده جامد جداا -||- المصدر : منتديات شباب روش -||- الكاتب : romatic

توقيع romatic